 Փնտրել | Կայքի կառուցվածքը
|
|
|
 "Ազգ" օրաթերթ, 03.10.2007
Վյուրտ Գրուպի հայաստանյան մասնաճյուղը 10 տարեկան է
62 տարիների պատմություն ունեցող և ողջ աշխարհում մեծ հեղինակություն վայելող գերմանական Վյուրտ Գրուպի հայաստանյան մասնաճյուղն այս տարի տոնում է իր հիմնադրման տասնամյա հոբելյանը, ինչի առիթով հոկտեմբերի 18-ին կայանալիք հանդիսավոր արարողությունը, մի շարք հարգարժան հյուրերի կողքին, իր ներկայությամբ կպատվի նաև Վյուրտ Գրուպի հոգաբարձուների խորհրդի նախագահ տիկին Բեթինա Վյուրտը:
Հայաստանյան մասնաճյուղը հիմնվել է 1997 թվականի հոկտեմբերին: Իր գործունեությունը սկսելով մայրաքաղաք Երևանից՝ այնուհետև ընկերությունն ընդգրկեց նաև Շիրակի և Լոռու մարզերը, իսկ այս տարի իր հերթական ներկայացուցչությունը հիմնեց նաև Սյունիքում:
Իր տասնամյա պատմության ընթացքում ընկերությանը հաջողվեց ակտիվ կերպով հաստատվել, իր կայուն դիրքերն ունենալ և լուրջ մրցակցի համբավ ձեռք բերել հայաստանյան շուկայում:
Սկզբնական շրջանում շուկա մտնելով ավտոմեքենաների սպասարկման համար նախատեսված ապրանքատեսականիով՝ այժմ ընկերությունը հայ սպառողին է ներկայանում շինարարության, արդյունաբերության, մետաղամշակման, փայտամշակման, սննդի ու խմիչքի արտադրության, հեռահաղորդակցության և մոնտաժային աշխատանքների բնագավառում օգտագործվող բարձրորակ ապրանքներով՝ ձեռքի, էլեկտրական և օդով աշխատող գործիքներ ու սարքավորումներ, քիմիական նյութեր, շարժիչի, տրանսմիսիոն, հիդրավլիկ և արդյունաբերական յուղեր, քսայուղեր, ավտոմեքենաների կոսմետիկայի և խնամքի պարագաներ, ավտոմեքենաների տեխսպասարկման նորագույն սարքավորումներ, կահույքագործության մեջ օգտագործվող և մոնտաժային դետալներ, հեղույսներ, մանեկներ, աշխատանքային հագուստ, պահուստավորման ամենաժամանակակից համակարգեր և այլն:
Իր գոյության 6 տասնամյակների ընթացքում Վյուրտ Գրուպը ձևավորել է ձեռնարկության մի յուրահատուկ մոդել, որի գործունեության հիմքն են կազմում կոմպետենտությունը, որակի փիլիսոփայությունը, հաճախորդների հետ շփման ու համագործակցության կարևորումը, ինչպես նաև նորարարությունների մշտական ձգտումը: Այս գործոններն են պայմանավորում Վյուրտի՝ համաշխարհային շուկայում ունեցած հաջողությունն ու դինամիկ աճը:
Այժմ Վյուրտ Գրուպն իր 380 մասնաճյուղերի միջոցով ակտիվ գործունեություն է ծավալում աշխարհի 85 երկրներում, ունի 60,000-ից ավել աշխատակից և ավելի քան 2,9 միլիոն հաճախորդ, որոնց պահանջների և խնդիրների ճիշտ գնահատումն ու ըմբռնումը թույլ են տալիս մշտապես ընդլայնել ապրանքների տեսականին (շուրջ 100,000 անուն ապրանք)՝ հաշվի առնելով նաև ժամանակի թելադրած պահանջները և միշտ բարձր հիմքերի վրա պահելով չափանիշ հանդիսացող որակը:
Առաջնորդվելով Վյուրտի հարուստ ավանդույթներով՝ Վյուրտ Գրուպի հայաստանյան մասնաճյուղն իր օրեցօր ավելացող հաճախորդներին է առաջարկում բարձրակարգ ծառայությունների մի ամբողջ փաթեթ. կոմպետենտ խորհրդատվություն՝ 3 տասնյակ վաճառքի խորհրդատուների միջոցով, հաճախորդների պատվերների արագ մշակում, անվճար առաքում, երաշխիքային և ետերաշխիքային սպասարկում, զեղչերի ճկուն համակարգ:
Որպես իր տասնամյա արգասաբեր գործունեության հանրագումար՝ Վյուրտ ընկերությունը հոկտեմբերի վերջին հայ սպառողի դատին կհանձնի WՕW (Würth Online World) մեքենաների դիագնոստիկ և տեղեկատվական համակարգը:
"Ավտոաշխարհ" ամսաթերթ, հոկտեմբեր N8, 2007թ.
Վյուրտ Գրուպը Հայաստանում
Աշխարահռչակ Վյուրտ Գրուպ ընկերությունը հարուստ պատմություն ունի: 1954թ.-ին հոր` Ադոլֆ Վյուրտի վաղաժամ մահից հետո ստանձնած երկու հոգանոց ձեռնարկությունը Ռայնհոլդ Վյուրտն ընդլայնում է` դարձնելով Գերմանիայում ամենահաջողակ և հզոր կազմակերպություններից մեկը: Արդեն 1987թ.-ին Վյուրտն իր ներկայացուցչություններն ուներ հինգ մայրացամաքում: Շարունակական բնույթ կրող զարգացումը Վյուրտ Գրուպին վերածել է աշխարհով մեկ սփռված և հեղինակություն վայելող առևտրային կոնցեռնի:
Վյուրտ Գրուպի 380 մասնաճյուղերը գործում են աշխարհի 85 երկրներում` ունենալով 60,000-ից ավելի աշխատակից և 2.9 մլն հաճախորդ: Իր գոյության վեց տասնամյակի ընթացքում Վյուրտ Գրուպը ձևավորել է ձեռնարկության մի յուրահատուկ մոդել, որի հիմքն են կազմում կոմպետենտությունը, որակի փիլիսոփայությունը, հաճախորդների հետ շփման ու համագործակցության կարևորումը, ինչպես նաև նորարարությունների կիրառումը: Հաճախորդների հարցերը, պահանջներն ու խնդիրներն ընկերության համար մարտահրավեր են և կազմում են նրա գործունեության հիմքը: Արդյունքում` հաճախորդները բարձր են գնահատում թե' ընկերության ապրանքների որակը, թե' աշխատակիցների կողմից մատուցվող ծառայությունները: Այս գործոններով են պայմանավորված Վյուրտի` համաշխարհային շուկայում ունեցած հաջողությունն ու դինամիկ աճը:
Վյուրտ ապրանքանիշը դարձել է հանրաճանաչ և շուկայում ընդունվում է որպես "որակի" խորհրդանիշ, իսկ "որակ" բառի տակ ընկերության բոլոր աշխատակիցները հասկանում են` "գիտակցել հաճախորդի պահանջները": Ցանկացած ապրանքատեսակ ընկերության կողմից վաճառքի է բաց թողնվում հստակ սահմանված որակի չափանիշների առկայության դեպքում: Որակի փիլիսոփայությունը տարածվում է ոչ միայն ապրանքների որակի, այլ նաև ձեռնարկությունում կազմակերպվող գործընթացների վրա: Դա, ամենից առաջ, երևում է որակի կառավարման համակարգի միջոցով, որը 2001թ.-ի հոկտեմբերից բավարարում է գործընթացների գծով նոր ISO 9001:2000 չափանիշի պահանջները:
Վյուրտ Գրուպը գերմանական առաջին ընկերություններից էր, որ 1997թ.-ի հոկտեմբերին իր մասնաճյուղը հիմնեց Հայաստանում: Այսօր այն տոնում է հիմնադրման տասնամյա հոբելյանը: Սկզբնական շրջանում ընկերությունն իր աշխատանքները ծավալել էր Երևանում` հայաստանյան շուկա մուտք գործելով ավտոմեքենաների սպասարկման համար նախատեսված ապրանքատեսակներով: Հաջող սկիզբը թույլ է տվել ընդարձակվել և ներառել այլ բնագավառներ` փայտամշակում, արդյունաբերություն և շինարարություն: Ըներության ենթաճյուղերը գործում են Շիրակի, Լոռու մարզերում, իսկ այս տարի` նաև Սյունիքում: Իր տասնամյա պատմության ընթացքում Վյուրտ Գրուպին հաջողվել է ոչ միայն հաստատվել հայաստանյան շուկայում, այլև լուրջ մրցակցի համբավ ձեռք բերել:
Ներկայումս ընկերությունը հայ սպառողին առաջարկում է շինարարության, արդյունաբերության, մետաղամշակման, փայտամշակման, սննդի ու խմիչքի արտադրության, հեռահաղորդակցության և մոնտաժային աշխատանքների բնագավառում օգտագործվող բարձրորակ ապրանքներ`
• ձեռքի, էլեկտրական և օդով աշխատող գործիքներ ու սարքավորումներ,
• քիմիական նյութեր,
• շարժիչային, տրանսմիսիոն, հիդրավլիկ և արդյունաբերական յուղեր,
• քսայուղեր,
• ավտոկոսմետիկա և խնամքի պարագաներ,
• ավտոմեքենաների տեխսպասարկման նորագույն սարքավորումներ,
• կահույքագործության մեջ օգտագործվող և մոնտաժային դետալներ,
• հեղույսներ,
• մանեկներ,
• աշխատանքային հագուստ,
• պահուստավորման ժամանակակից համակարգեր և այլն:
Առաջնորդվելով Վյուրտ Գրուպի հարուստ ավանդույթներով` նրա հայաստանյան մասնաճյուղն իր օրեցօր ավելացող հաճախորդներին է առաջարկում բարձրակարգ ծառայությունների մի ամբողջ փաթեթ`
• կոմպետենտ խորհրդատվություն` վաճառքի խորհրդատուների միջոցով,
• հաճախորդների պատվերների արագ մշակում,
• անվճար առաքում,
• երաշխիքային և ետերաշխիքային սպասարկում:
Որպես իր տասնամյա բեղմնավոր գործունեության հանրագումար` Վյուրտ ընկերությունը հոկտեմբերի վերջին հայ սպառողի դատին է հանձնելու WOW (Wurth Online World) մեքենաների դիագնոստիկ և տեղեկատվական համակարգը (հոդվածը JPEG ֆորմատով) :
|
|
|
|
|
|
Տպել
