Փնտրել | Կայքի կառուցվածքը 

Ակնարկ
Վյուրտ Հայաստան
Ռայնհոլդ Վյուրտ
Սպորտի հովանավորություն
Սկիզբ / Ռայնհոլդ Վյուրտ

Պատվավոր դոկտոր-պրոֆեսոր Ռայնհոլդ Վյուրտ
Վյուրտ Գրուպի վերահսկիչ խորհրդի նախագահ


Ռայնհոլդ Վյուրտը ծնվել է 1935թ. ապրիլի 20-ին` Գերմանիայի Օյրինգեն քաղաքում: 1945-ին նա ընդունվում է հոր` Կյունցելսաուում գտնվող, հեղույսների մեծածախ վաճառքով զբաղվող ընկերություն, իսկ 1954-ին` հոր վաղաժամ մահից հետո, ստանձնում է ընկերության ղեկավարությունը: Մի քանի տասնամյակի ընթացքում Ռայհոլդ Վյուրտին հաջողվում է ռեգիոնալ մակարդակի ընկերությունը վերածել համաշխարհային նշանակության առևտրային կազմակերպության: Այսօր Վյուրտ Գրուպը ներկայացված է աշխարհի 86 երկրներում` ավելի քան 400 ակտիվ շուկա ունեցող ընկերություններով: 2008թ. Վյուրտ Գրուպի շրջանառությունը կազմել է 8,8 միլիարդ եվրո:

1994 թվականին Ռայնհոլդ Վյուրտը դուրս է գալիս Վյուրտ Գրուպի օպերատիվ ղեկավարությունից և ստանձնում կազմակերպության խորհրդի նախագահությունը: Իսկ 2006 թվականին այս պաշտոնում նրան հետևում է դուստրը` Բետտինա Վյուրտը: Այժմ Ռայնհոլդ Վյուրտը նախագահում է հիմնադրամի վերահսկիչ խորհուրդը:

Իր գործունեության ընթացքում Ռայնհոլդ Վյուրտը զբաղվել է կառավարման հոգեբանության այնպիսի թեմաներով, ինչպիսիք են աշխատողների մոտիվացիան, ղեկավարման կուլտուրան, աշխատանքային էթիկայի հետ կապված հարցերը և այլն:

Վաթսունական թվականներին գնելով Էմիլ Նոլդեի մի ակվարել` Ռայնհոլդ Վյուրտի մոտ սեր է առաջանում արվեստի գործեր հավաքելու նկատմամբ: Այժմ նրա հավաքածուն բաղկացած է 12.000 արվեստի նշանակալից գործերից, որոնցից են Էդուարդ Մունչի, Պաբլո Պիկասսոյի, Ալֆրեդ Հրդլիկայի, Մարկուս Լյուպերցի, Քրիստոյի և այլոց նկարները, գծանկարներն ու քանդակները: 1991 թվականի վերջին Վյուրտ Գրուպի կառավարական նոր շենքի բացման հետ մեկտեղ Ռայնհոլդ Վյուրտը սեփական թարգարանում հասարակությանն ի ցույց դրեց իր արվեստի գործերի հավաքածուն: 20-21-րդ դարերի ժամանակակից արվեստի այդ թանգարանի դռները մշտապես բաց են աշխատակիցների ու հետաքրքրվող հանրության առջև և այնտեղ կազմակերպվում է տարեկան 3-4 ցուցահանդես: 2001 թվականի մայիսին Ռայնհոլդ Վյուրտը իր հավաքածուի համար պատկերասրահ բացեց Շվեբիշ Հալլում:

Իր ձեռներեցության, ինչպես նաև սոցիալական և մշակութային հիշարժան գործունեության համընդհանուր ճանաչումն արտահայտվում է շնորհված բազմաբնույթ պատվավոր կոչումներով և անդամակցություններով:

Ռայնհոլդ Վյուրտը Վյուրտեմբերգյան ազգային թանգարանին աջակցող ընկերության նախագահն է, ''Pro Region Heilbronn-Franken'' քաղաքացիական նախաձեռնության ղեկավարը, մինչև 2003 թվականի ամառը տնօրինել է Կարլսրուեի Ձեռնարկատիրության միջֆակուլտատիվ ինստիտուտը: Ռայնհոլդ Վյուրտը Թյուբինգենի համալսարանի պատվավոր դոկտոր է և պատվավոր սենատոր, ԳԴՀ-ի Վաստակների Մեծ Խաչի շքանշանակիր, ինչպես նաև Բադեն-Վյուրտեմբերգի Տնտեսության աջակցության մեդալակիր: 1997 թվականին նրան շնորհվել է Ֆրանսիայի Էրստայն քաղաքի պատվավոր քաղաքացու տիտղոսը: Յուրահատուկ վաստակների և ֆրանսիական արվեստի ու մշակույթի տարածման գործում իր ներդրումների համար 2000 թվականի մարտին Ռայնհոլդ Վյուրտը Ֆրանսիայի Մշակույթի նախարարության կողմից պարգևատրվել է ''Chevalier dans l'Ordre des Arts et des Lettres'' շքանշանով: 2003 թվականի ապրիլին Կարմեն և Ռայնհոլդ Վյուրտ ամուսիններն արժանացել են Կյունցելսաու քաղաքի պատվավոր քաղաքացիների կոչմանը` իրենց սոցիալական և մշակութային նախաձեռնությունների և ներդրումների համար: 2004 թվականի մարտին Ռայնհոլդ Վյուրտն արժանացել է Լեգեոնի Պատվավոր Ասպետ կոչմանը, իսկ ապրիլին Լյուդվիգ Էրհարդ հիմնադրամը սոցիալական և տնտեսության բնագավառում ունեցած իր վաստակների համար նրան շնորհեց Լյուդվիգ Էրհարդի անվան մեդալը: 2004 թվականի մայիսին Ռայնհոլդ Վյուրտն ընդունվեց Business Hall of Fame (manager magazin ամսագրի և Բոննի ԳԴՀ Պատմության Տան նախաձեռնությամբ): 2004 թվականի հունիսին Ռայնհոլդ Վյուրտը Բեռլինում պարգևատրվեց Գերմանական Հիմնադիրների մրցանակով` իր բացառիկ ձեռնարկչատիրական գործունեության համար: 2005 թվականին պատվավոր դոկտոր-պրոֆեսոր Ռայնհոլդ Վյուրտը ստացավ Շտուտգարտի համալսարանի պատվավոր սենատորի կոչումը: 2005 թվականի նոյեմբերին Հոլանդիայի թագավորական տան որոշմամբ պատվավոր դոկտոր-պրոֆեսոր Ռայնհոլդ Վյուրտը պարգևատրվեց Օրանիեն-Նասսաուի թագավորական սպայի շքանշանով: Իր բազմաբնույթ մշակութային գործունեության համար 2007 թվականի մայիսին Ռայնհոլդ Վյուրտը ստացավ Պալերմոյի համալսարանի արվեստի պատմության և թանգարանագիտության ֆակուլտետի պատվավոր դոկտորի կոչումը: 2007 թվականի նոյեմբերին Լուիզվիլի համալսարանը (Կենտուկի, ԱՄՆ) Ռայնհոլդ Վյուրտին շնորհեց պատվավոր դոկտորի կոչումը` տնտեսության մեջ, հասարակական կյանքում և արվեստի խթանման գործում ունեցած իր նշանակալի ներդրումների համար:



www.wurth.com 2012 WÜRTH Հայաստան: Բոլոր իրավ. պաշտպանված են
 Հեղինակային իրավունք 
 Տպել


     Նորություններ

ORSYmobil
Այս ապրանքանիշով Վյուրտը ներկայացնում է շարժական պահեստային համակարգը, որը հնարավոր է դարձնում ...

WÜRTH Oil Guide տեղեկատու
WÜRTH Oil Guide տեղեկատուն կօգնի գտնել Ձեր մեքենայի շարժիչի և փոխանցման տուփի ...






 Online Catalogue