 Փնտրել | Կայքի կառուցվածքը
|
|
|
Վյուրտը աշխարհի շուկաներում
Կոմպետենտություն, որակ և միշտ հաճախորդի կողքին:
Վյուրտ-Գրուպի զարգացումը պատվավոր դոկտոր պրոֆ. Ռայնհոլդ Վյուրտի կյանքի գործն է և ետպատերազմյա ժամանակաշրջանի գերմանական տնտեսության պատմության մեջ դասվում է ամենահաջողակների թվին: Երկրորդ համաշխարհային պատերազմից հետո Գերմանիայի վերականգնվելու ժամանակաշրջանում, 1954թ.-ին հորից ժառանգած երկու հոգանոց կազմակերպությունը Ռայնհոլդ Վյուրտը ընդլայնեց` դարձնելով այն աշխարհով մեկ սփռված առևտրային կոնցեռն, որն այսօր աշխարհի 86 երկրներում ունի 380-ից ավել ընկերակցություններ:
Միակցման և մոնտաժման համար նախատեսված ամենատարբեր միջոցների համատարած իրացումը/ օտարումը, որն իրականացվում է առևտրի միջազգային ցանցի միջոցով, հանդիսանում է Վյուրտ-Գրուպի հիմնական գործունեությունը: Թեթև և ծանր արդյունաբերության համար նախատեսված ավելի քան 100.000 ապրանքատեսականին բնութագրում է Վյուրտ-Գրուպին որպես միակցման և մոնտաժման խնդիրների լուծում առաջարկող գիտակ ընկերություն:
Würth-ը որակի չափանիշ է
 Որակ ասելով մենք հասկանում ենք գիտակցել մեր հաճախորդների պահանջները: Նրանց հարցերը, պահանջներն ու խնդիրները կոչ են մեզ համար և մեր գործունեության հիմքն են: Վյուրտն ունի 220 աշխատակիցներից բաղկացած սեփական լաբորատորիա, մի շարք արտոնագրեր, արտադրական նմուշներ: Անկախ ինստիտուտների հետ համագործակցության, ինչպես նաև հաճախորդների հետ շփման արդյունքում ծագած գաղափարները նոր ապրանքի զարգացման հիմքն են: Ապրանքը բաց է թողնվում վաճառքի միայն այն դեպքում, եթե այն համապատասխանում է ճշգրիտ սահմանված որակի նորմերին: Որակի փիլիսոփայությունը տարածվում է ոչ միայն ապրանքի որակի, այլ նաև ընկերության մեջ տեղի ունեցող գործընթացների վրա: Ասվածի վկայությունն է 1993 թվականից գործող որակի կառավարման համակարգը: Այս համակարգը 2001 թվականի հոկտեմբեր ամսից բավարարում է ISO 9001 : 2000 նորմի որակի պահանջները (գերմ./ անգլ.): Բացի դրանից Գերմանիայի Տեխնիկական վերահսկման միությունը (TÜV) մեզ է հանձնել ըստ DIN EN ISO 14001 նորմի շրջակա միջավայրի կառավարման համակարգի կիրառման հավաստագիր (գերմ./ անգլ.) :
|
|
|
|
|
|
Տպել
